Tipula morea da Zallako gastronomiaren produktu nagusia. Herrian dauka jatorria eta Euskadiko entzute handiko jatetxe askotako kartetan topa dezakegu (Azurmendi, Mina edo Yandiola, esaterako). Baita menu ugaritan ere: entsalada zein zopetan, abangoardiako errezetetan edo euskal gastronomiaren plater klasiko eta tipikoenetan, hala nola bizkaitar saltsan.

Tipula morea uztaila eta abuztua bitartean jasotzen dute baserritarrek, uzta tradizionalaren prozesua zorrotz jarraituz. Gozoa eta urtsua da, eta ez oso pikantea. Bere ezaugarri nagusia, izenak dioen moduan, haragiaren eta erraboilaren kolore morea da.

Tipula morea mundu osoko 150 herrialdetan 100.000 bazkide baino gehiago dituen Slow Food elkarte ekogastronomikoaren kidea da. Dastamenaren heziketa eta elikagaien bioaniztasuna defen-
datzea ditu helburu elkarteak. Slow Food-eko kategoria nagusia lortu du Zallako tipula moreak.